《百星酒店》到杭州千島湖拍攝了足足一個月的外景，鄭中基（Ronald）自言掛愛女Emma掛到不得了，更會一有時間便跟囡囡視訊通話，連一分鐘也不希望錯過。
君如怕壓力
Ronald有1歲囡囡Emma，君如有6歲囡囡陳是知，君如坦言現在電影已非她的全部，因為囡囡已成為她的另一寄託，她說：「我要喺學術方面培養屋企嗰個接班人嘛！哈哈！」
Ronald透露自己跟君如也經常在拍攝現場談湊女經，二人也認為現今社會的家長有時逼得子女太緊，君如說：「我同Ronald喺片場梗係有講下湊女經啦，講下學校問題。」家長當然希望兒女成才，所以很多小朋友未夠一歲便已經要返學前預習班，對此君如坦言：「𠵱家有好多媽媽都有精神壓力，我見過直頭有家長喺whatsapp度開個group，喺度研究條數學題點計，大家都有啲壓力，我成日都提自己唔好做到咁。」
Ronald亦同意君如所講，他則主張讓囡囡自然成長，絕不會逼她去學一些不喜歡的東西，他說：「自自然然咁長大就好，最緊要係開心，如果咁細個就有壓力，大個點捱？遲啲就小學、中學、大學，呢幾年可能係佢僅餘可以玩嘅日子，哈哈，所以我成日話畀個女逃學㗎！」
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/