第32屆香港電影金像獎日前公佈入圍名單，記者發現最佳新演員嘅入選名單入邊，有《春嬌與志明》嘅林兆霞，佢演Brenda呢位醜女的確係表現出色，不過佢之前喺《志明與春嬌》已經演出過，唔算係新人，所以打電話畀金像獎大會了解，結果大會就宣佈取消佢嘅資格。
拍過《人間喜劇》
噚日大會發聲明話由《喜愛夜蒲2》嘅沈震軒補上提名最佳新演員獎，記者翻查之下，沈震軒其實喺大前年套電影《人間喜劇》已經演出過，戲中佢打大赤肋喺度晒太陽，仲有對白㖭，片尾出roller credit，演員表度都有介紹佢演沙灘男一角，佢好明顯又係唔合評選資格。其實，想知沈震軒之前有冇演過戲好簡單嘅啫，只要喺google度打「沈震軒」三個字，然後按搜尋，又或者上維基網站贒一贒，都會有眉目嘅，點解金像獎大會唔咁樣做呢？
撰文：馮仁昭
