有樣有身材又肯搏嘅梁政珏，近年演出機會越嚟越多。趁年廿八佢為靚車洗邋遢，寄望事業於蛇年勇往直前。唔少無綫舊將轉投魔童王維基嘅香港電視，不過梁政珏拒絕轉會：「我一心一意留喺TVB，就算話有女主角做都係咁話，我好感激TVB畀機會我，舊年媽咪病咗，好多謝公司體諒畀我停工去照顧媽咪，同埋公司真係畀咗好多機會我。」
唔介意性感
梁政珏不時性感現身，怕唔怕被定型先？佢話：「點解要介意？呢啲可能都係好機會，好似《衝上雲霄2》咁，我同Chilam（張智霖）有激烈纏綿戲，其實拍之前好緊張，仲係開工第一場，大家偈都未傾過就拍床戲，我都好驚得罪自己偶像，因為我好鍾意袁詠儀。」
撰文：洪紅克
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/