民建聯元秋一句：好多男人連自己嘅結婚周年紀念都記得唔清楚，令唔記得嘅人多咗個藉口，記得嘅人就蒙受不白之冤。公民黨陳家洛噚日喺facebook上載同太太慶祝結婚周年嘅相，特別寫住：「我又點會唔記得自己嘅結婚周年紀念日呢」，擺明寸爆元秋。
今年係陳氏伉儷結婚18周年，家洛非常識趣地送咗束玫瑰畀太太，仲一齊撐枱腳兼睇戲，而呢套戲係由波蘭裔美國導演華高斯基姊弟執導嘅《雲圖》，算係同太太有啲淵源。除咗結婚紀念日，家洛對其他紀念日亦牢記心中，4月22日就係佢同太太喺波蘭行禮嘅大日子嘞，預告屆時會再慶祝多次㖭。唔知元秋係咪好羨慕呢？