前網球「1哥」拿度自去年溫網之後，一直都因為傷病，而冇比賽過。去到周二佢終於都復出喇，呢位現時世界排名第5嘅西班牙球手，喺智利公開賽雙打同阿根廷嘅摩納哥合作，以6:3、6:2，盤數2:0擊敗第2種籽捷克球手查馬同杜洛治晉級。拿度賽後話，好開心自己可以再上場比賽，仲話雖然膝頭依然有啲痛，不過醫生話已經冇問題。