里昂第十九個年頭搞風水指數，索女「風水師」林恬兒（Emily）連續第二年登場，輕易艷壓全場，可惜佢講完股、影完相就閃，唔通有錢嘅靚女只可遠觀？
預備充足 表現淡定
Emily入里昂做證券銷售經理兩年幾，貴為麗新國際（191）老闆林建岳位千金，當然去到邊都成為焦點。佢噚日負責講解五行入面，邊啲板塊喺蛇年最有運行，全程以流利英文，加少少ABC口音嘅廣東話對答，雖則只係一小段，但明顯將講稿背到爛熟，表現淡定。
可惜，一完場，Emily就俾同事拉走咗，想同佢講多句，換張名片都冇機會呀。
今次充當「風水分析師」嘅仲有專責零售股分析嘅高頌妍、同埋分析師林傲家。里昂推測，蛇年港股先高後反覆，7月底見頂，9月隨時嘔凸上半年嘅升幅，屬金嘅銀行同屬水嘅濠賭股表現最好。之但係，噚日啲濠賭股嘔吐緊喎。