《哀》
睇完英國《太陽報》有關加斯居尼嘅報道，我求大俠都感到好悲哀。呢位45歲嘅英格蘭名宿喺周二抵達美國嘅鳳凰城，準備去接受戒酒治療；但竟然俾記者影到佢喺機場度飲酒！呢啲唔係死性不改，而係酒癮已經令佢控制唔到自己。機場酒吧侍應話：「保羅（加斯居尼）連企都企唔穩，好似病得好嚴重。佢趁同伴行開咗一陣，竟然偷偷地走入嚟酒吧；我見到都覺得傷心。」據報，加斯居尼周一決定戒酒，以連尼加為首等好友決定夾錢送佢到美國接受治療。英格蘭隊長謝拉特好關心加斯居尼，佢話：「我同足總講得好清楚，如果有咩需要我哋班球員幫忙，即管出聲。」