教育學院學生會會長黃俊邦上月就學生校董無權選新校長，入稟高等法院司法覆核，法院已經通知佢，28號會聆聽司法覆核理據、再決定係咪接納申請，但係教院已經安排新校長唯一人選、浸會大學工商管理學院院長張仁良喺18號會見師生，預料校董會最快當日、即係法院未有決定前已經通過任命。高俊偉大鬧教院做法唔妥當，話校長遴選委員會有十個成員，但只有校董會主席及署理校長等6人有投票權，諷刺指：「（張仁良）得6票，仲少過梁振英當選特首時嘅689票」。佢預告18號會當場質問「006校長」張仁良，點睇自己認受性咁低，對司法覆核又點睇。