隔牆有耳:<br>港女擇偶 最怕冇頭髮大肚腩 - 李八方

隔牆有耳:
港女擇偶 最怕冇頭髮大肚腩 - 李八方

唔少人成日覺得港女眼角高,都唔係吖!有亞洲愛情配對公司話呀,總結過去5年,23至40歲嘅港人擇偶條件男女大不同:港男最重視女性嘅年齡,希望32歲以下;港女就最着重男性嘅成就,最好大學畢業、月入3萬蚊以上,更重要係另一半外表唔可以太差,必須有頭髮同冇肚腩,咁中央政策組首席顧問邵善波,就似乎唔係港女嗰杯茶囉。港女仲話最喜歡有情趣嘅男性,港男就希望女士愛撒嬌、唔強勢。
佢哋進行嘅調查仲發現,喺亞洲五大地區包括香港、新加坡、台灣、澳門同內地(深圳及上海)中,港人嘅單身危機意識最弱,開始尋求配對服務嘅平均年齡比其他地區遲5至10年。