兩隻品牌奶粉被搶光，強國同胞崇拜名牌甘願做「奶粉」，唔出奇。但港媽有得揀，市面雜七豎八品牌唔少，全是來路貨，絕無地溝。為什麼港媽仍然四圍撲跟強國水貨兵團拗手瓜，攞苦來辛？
小藥房爆料，奇缺的那兩隻奶粉，逼零售店一開三，訂1號仔，得綑綁3、4號大仔奶粉，滯銷則貴客自理。這就難怪藥房入貨謹慎，貨源缺缺了。
這場螞蟻搬奶粉大賽，強國同胞好似跑了第一，但實質益晒奶粉商。港媽在粉商造市下，跟着水貨客盲搶，更是輸家中的輸家。政府插手但點埋名替兩隻品牌背書，讓兩隻奶粉通殺贏凸。陰謀論睇，奶粉商兩隻獨大是谷出來的，谷奶，最大受益者，是粉商和他們的港區代言人。這批熟悉市場摸通港媽盲從跟風而熱衷操控粉市的商家，是梁粉抑或豬皮？傳媒該跟進報道，追蹤水貨客，看看是否配合粉商扮掃貨，過關後將奶粉歸還蛇頭，再秘密送回香港，螞蟻戲到此為止。（牛王頭幼嬰期人奶和奶粉都吃過，兩歲戒奶前換過N隻奶粉。將心比心，餐餐一樣，儍B都會悶壞啊。）