中國游泳新星孫楊日前因為拍拖，搞到紀律欠佳，被浙江體院重罰；佢周三就首度為事件開腔，接受電話訪問，話自己已經同教練朱志根道咗歉，但係就冇講太多，咁就收咗線；但之後叫記者放心，自己仲頂得順喎。咁又係呀，呢期單單同孫楊有關嘅新聞都係負面嘢，佢𠵱家仲唔認衰仔，俾人無限期停賽點算？到時仲點搵過億人民幣？唔認錯都唔得啦，「錢」途要緊吖嘛。