應屆最上鏡小姐岑杏賢早前隨陳百祥（阿叻）及李純恩到非洲拍旅遊特輯，除見識了當地的原始森林、超級豪華酒店外，最令她喜出望外是見證了一場動物大遷徙，令她大開睇界。
撰文：楊潔雯
有錢去非洲，不等於有緣見到動物大遷徙，應屆最上鏡小姐岑杏賢（Jennifer）去年10月尾跟隨《叻哥遊世界》攝製隊出發，乘坐螺旋槳飛機和吉甫車共26粒鐘到達到非洲坦桑尼亞（Tanzania），在塞倫蓋蒂國家公園（Serengeti National Park）遇見場面壯觀的動物大遷徙，Jennifer說：「去到Tanzania四周圍都係森林，就好似卡通片《Lion King》咁，有獅子、長頸鹿和斑馬，其中一日安排了一場香港對坦桑尼亞的足球賽，就喺大家踢緊波的時候，眼前突然出現成千上萬隻黑尾牛羚（俗稱角馬）、斑馬和瞪羚，好震撼，就好似一群動物操兵咁，好壯觀。」
中文差鬧笑話
外國留學的Jennifer，還搞出一大笑話，她說：「因為中文唔叻，佢哋見到咁壯觀嘅場面，係咁叫大遷徙，我就問叻哥，點解咁多動物唔叫係萬，係千，佢哋喺肯亞過河來，係咪應該叫『大萬洗』，呢個笑話搞到所有人都笑到碌地。」
去邊度：坦桑尼亞
玩幾耐：一星期