海洋公園唔單止旺財，仲好旺丁，尤其「冰極天地」，事關繼上年底有美國企鵝BB出世、趕及成為龍年寶寶後；一隻巴布亞企鵝亦喺上月12號出生，佢嘅父母呢就嚟自日本嘅。「冰極天地」館長黃永康透露，美國企鵝BB現時約重6公斤，好鬼八卦，鍾意探索新事物，佢哋嘅性別要喺一年後換上防水羽毛、以及進行血液測試後先可以確定。但佢已經喺「南極奇觀」展館同遊人見面嘞，係㗎喇，就算BB都要拋頭露面㗎，鬼叫你喺海洋公園出世咩！