馮仁昭四圍超：濱崎步力撐Leslie Kee - 馮仁昭

馮仁昭四圍超：
濱崎步力撐Leslie Kee - 馮仁昭

曾經與Angelababy合作過嘅41歲新加坡籍攝影師Leslie Kee（紀嘉良），前日喺東京被日本警方以涉嫌販賣不雅刊物拘捕。
Lesile Kee被捕後，好友濱崎步繼續在twitter力撐對方，話無論發生乜事，佢同另一個老友都係自己嘅「soulmates」（知音）。其實Leslie Kee都幫步姐嘅奀星前夫Manuel Schwarz拍過露毛寫真，仲為呢件事搞到同步姐唔開心，不過，睇嚟步姐重視友情多過逝去嘅愛情。

濱崎步响Leslie Kee（左）被捕後，上載合照舊相撐老友。

Baby愛印度打扮

Baby近期就四出宣傳，佢早前幫代言咗4季嘅服裝b+ab拍攝宣傳照，雖然連拍12個小時，但Baby越影越精神。着上粉紅色閃石裙嘅Baby，繼續幫手設計新衫，佢話春夏季加入印度風：「我本身好鍾意印度feel嘅打扮，鍾意bling bling設計，早排去外國睇時裝騷見到好多七彩元素，好多比較貴同誇張，未必個個都啱用，所以我想設計啲大眾化啲，大家都可以着到。」新年Baby會到紐約睇時裝騷，冇得喺香港過節。
撰文：馮仁昭

Angelababy早前幫代言嘅品牌拍攝新一輯廣告。