【北京】擁有34E惹火身材嘅內地性感女星鞏新亮，同鋼琴王子郎朗舊年傳緋聞，事後有傳郎朗父母唔多鍾意個仔同女演員扯上關係，戀情即刻見光死！
坐上行李車
內地有指郎朗向鞏新亮提出口頭約定，話只私下談情，唔公開關係，鞏新亮對郎朗敢做唔敢認好失望，戀愛至上嘅佢又點會俾自己停落嚟，日前鞏新亮就俾人發現同一個身形高大嘅靚仔金髮老外甜蜜現身北京機場！
鞏新亮同老外並肩同行，老外推住行李車，佢哋不時眉來眼去，之後鞏新亮仲成個坐上去行李車，由老外推住佢走，非常sweet。去到停車場，老外好熟練咁將行李搬上車，鞏新亮仲親自揸車離開機場。據知鞏新亮喺演藝界冇太大野心，最主要搵如意郎君，唔知呢個老外係咪佢嘅Mr. Right呢？
撰文：葉雪