【技術分析】
上周起市場盛傳，港府將再出「辣招」打壓樓價，多家證券行均料港府短期內將會有行動。美銀美林發表報告，料港府很大可能會在農曆新年前推「更辣」招數壓抑樓市，而向購買第二套物業的港人徵收房貸稅，則是最有可能推出的招數。
有份撰寫該報告的美銀大中華區地產研究部主管魏志鴻說︰「政府通常睇三個月至半年至出招，好似BSD喺舊年10月出完到𠵱家都三個月，初初壓咗一陣樓價，但最尾又升番，呢個係要再出招嘅主因……若果真係出，我估今個星期五出嘅機會好大。」美銀認為本港在過去三個月及六個月期間，樓價累升5.5%及12.8%，加上施政報告「遠水不能救近火」，因此政府要再出新招。
二套房徵稅呼聲高
不過，他認為香港屬自由市場，政府最終不會像內地般推出「限購令」，只會透過加稅來限制炒賣，「內地人買樓少咗，但樓價照升，所以政府好大可能會將BSD加落有三粒星嘅香港永久性居民，要買第二套房就交稅，或者將按揭收緊，由𠵱家投資按五成，變成只按兩成，要畀八成首期嚟炒樓，呢招可以限制到炒樓，但就唔限制買第一層樓上車嘅人士，大陸同新加坡一直都有用緊。」
麥格理亦認同若政府再出招，很大可能會將BSD延伸至涵蓋香港永久居民購買第二套房，料逾50%的需求將會受到影響。