【記者林賽香報道】百佳近日趁新春推售多款應節海味，其中發售一款「珍珠花膠」，連海味店老行尊也從未聽過，有市民購買後發現花膠浸煮後似橡筋般堅韌，嚼不爛，傳出臭油溢味，已向海關投訴。
劉太在香港仔中心百佳購買了半磅原價100元一磅，現特價81.7元的「珍珠花膠」。「用水隔晚浸，有成灘啫喱喺底，水面有一層油，有陣油膉味好臭」，她用刀切成小塊，「好難切，放入口仲咬極都唔爛，懷疑假貨」。
浸後有啫喱沉澱
她查看產品標籤雖寫「珍珠花膠」 ，但成份卻寫「乾魚肚」，她認為標籤混淆，已向海關舉報，未有化驗結果。記者到百佳，售貨員稱「珍珠花膠」用不同雜魚魚肚製成。百佳回覆，珍珠花膠是真花膠，該公司售賣20多種不同等級花膠，價錢由80多元至2,000多元一磅。至於珍珠花膠來自甚麼魚，百佳則沒有回應。
上環海生行海味專家朱小姐看過珍珠花膠後稱，花膠來自不同種類的深海魚，惟從未聽聞有「珍珠花膠」這品種，「花膠應該有少少魚腥味，依家聞唔到，亦都睇唔出係乜嘢魚」。她表示，優質花膠經浸泡後，表面會殘留膠質，但絕不會出現啫喱沉澱，「膠質係由花膠自己流出嚟，摸上手會滑潺潺，但呢啲冇，反而啫喱淨係溶喺水，好可能係添加嘅膠質」。
另一名不公開身份的海味店老行尊指，「花膠本身冇乜油，如浸出油可能係製造過程加咗油」。他懷疑劉太購得貨品，是用多塊雜魚魚肚壓至厚身，並加入油份、魚膠粉或其他物質增加黏性，壓得過實便過韌咬不開。
海生行總經理蘇啟國表示，魚肚是統稱，是魚鰾曬成的海味，花膠則是魚肚品種之一。過往只有黃花魚、白花魚等深海魚製成的魚肚才稱花膠，含豐富骨膠原，屬高級海味。惟近年花膠一詞被濫用，不同魚類的魚肚也被稱花膠，惟身價大有不同，「魚肚幾十蚊有一斤，多數用嚟做魚肚羹或雞紮；真正嘅花膠就最少500蚊一斤，貴到過萬蚊一斤都有」。