馮仁昭四圍超：鍾嘉欣賣大包

馮仁昭四圍超：鍾嘉欣賣大包 - 馮仁昭

鍾嘉欣、張暖雅、羅霖等前晚到九展出席美容店嘅晚宴，雖然張暖雅同羅霖都谷胸上陣，但兩人卻俾罕有以性感打扮嘅嘉欣搶風頭，平時守身如玉嘅嘉欣BB前晚賣大包微露事業線，即時令人大開眼界。

嘉欣ＢＢ難得露事業線，必定令班宅男流鼻血。

講我愛你博好感

嘉欣話廣告商一直好支持自己，所以尊重場合以性感示人，就連去頒獎禮都唔會咁着。嘉欣話佢之前喺韓國拍攝無綫春晚節目，佢留低玩兩日㖭，仲學咗句「我愛你」嘅韓文，又被韓國人改咗「鍾嘉英」嘅花名，每逢購物都會大講韓文我愛你，令佢執到唔少平嘢，不過佢周圍同人講我愛你，唔通唔驚男友呷醋？佢笑笑口話：「我估唔會，講完唔記得，如果佢同我講就會話佢黐線，我多數講英文，英文易講啲。」
撰文：馮仁昭

(左起)羅霖、Anders Nelsson同陳綺明前晚盛裝出席活動。