新一屆全國政協委員日前出爐，當中包括唔少建制派立法會議員，連同唔少港區人大代表都同時頂住立法會頂帽，換言之3月初兩會召開期間，唔少建制派都北上。有泛民主派蠢蠢欲動，話要喺建制派北上嘅「真空期」玩突襲，通過動議譴責狼班子辦事不力；而佢哋呢啲突襲行動，主要喺小組委員會而唔係大會發動，事關喺兩會期間，立法會刻意停開兩次大會，以遷就呢啲中央紅人北上做舉手機器或者吹水。雖然係小組突襲咋，泛民話殺傷力都唔細：「佢哋喺北京開會期間，睇到我哋通過話要炒咗吳克儉，你估唔大件事呀？肯定好多人喺北京問反應㖭呀。」