傅嘉莉（Kelly）前晚在facebook透露近日面對生離死別、工作變化等，令她情緒波動。昨日記者致電Kelly，她謂過身的是哥哥的朋友：「佢啱啱先結婚，30幾歲，真係冇諗過會有咁嘅事。」她的朋友去年3月患癌症，幸她的未婚夫仍不離不棄，而Kelly亦有畫畫及送上祝福字句鼓勵她，可惜她於上月不敵病魔撒手塵寰。
事件亦令Kelly醒覺要珍惜眼前人：「我性格都唔想人擔心，唔開心會自己沉澱，加上呢8、9年都投入晒工作，忽略咗屋企人同朋友，好在朋友都好錫我，𠵱家我要主動打電話畀朋友，陪多啲屋企人。」至於情緒困擾，Kelly表示近月發生太多事：「工作時冇事，不過靜落嚟就有好多問題，生命原來可以一下子冇晒。」
採訪：盧妹