【特稿】
本報向城大三人組查詢。當時任城大校董會主席的鍾瑞明，接受本報電話查詢時，指與各候選人會面「係溝通，互相了解」，強調「好公平咁對待每一個候選人」，事前並不認識他們；至於為何會面後三分二候選人退出，「呢個就唔知喇」。
他否認有勸退：「冇，完全冇一回咁嘅事。」並稱該次旅程「有同遴選委員會交代」、「成個程序妥妥當當，完全按照大家定出來嘅程序去做」。
另兩高層托詞拒回應
至於是否想挑選華人，他說：「我冇一個咁嘅出發點。」又指「如果有種族問題，我哋都唔會去見晒佢哋啦」；並強調當年做了兩次遴選，「一次又唔得，第二次又唔得，點樣至得呢？」
至於海外之旅的另兩位人士，則顯得諱莫如深。當年為署理校長、現為金融學講座教授的何炘基，以不再擔任行政職務為由，拒絕回應，只強調「當時做嘢合乎規矩、規則，同埋程序」，並屢與記者握手圖脫身。
原已退休的杜國維，獲郭位委任為城大顧問。他在辦公室裏以笑容回應記者的叩門，但當記者提到「2007年你飛去會見校長候選人……」，他即時變臉，把記者推出辦公室。
《蘋果》記者