【升幅驚人】
內地旅客消費力驚人，銅鑼灣商舖租金狂升，食肆小店被迫關門。地產業界透露，銅鑼灣租金升幅驚人，短短兩、三年升幅已經逾倍，小商戶難以抵受業主瘋狂加租，只會逐漸消失。有渣甸街商戶憶述，幾年前街頭小食店被肉乾店美珍香以高3倍的月租承租後，整條渣甸街就掀起加租潮。
「小食店唔會租得起」
有地產代理透露，渣甸街原本並非內地旅客熱門地點，但最近希慎商場開幕，加上多個海外品牌進駐，渣甸街過去兩年租金升幅達50至60%，呎租高達200至300元，商戶每月最少要交30至40萬元租金，「成個銅鑼灣都變天，一間好嘅地舖都要幾十萬租，咁賣魚蛋、燒賣嗰啲小食店唔會租得起！」
有商戶指，08年美珍香以月租約33萬元逼走小食店租戶，去年底美珍香更以天價120萬元續租，呎價高達6,000元，當時與景隆街商舖同列全港最貴，令渣甸街舖租狂加。「俾佢哋搶咗間舖之後，我哋條街啲租金喺咁升。」
第一太平戴維斯估值董事總經理陳超國稱，銅鑼灣商店逐漸改變經營模式，加上內地自由行，該區整體商舖租金過去兩、三年升幅已逾倍。
他指小本經營商戶難抵加租，「小本經營賺錢能力弱啲，承租能力也較弱。」但轉到其他地區經營又有困難，部份只能轉到樓上舖或轉型。
《蘋果》記者