搶奶粉搶出新一輪中港矛盾，網民除咗去光復火車站，仲繼續去年用過嘅「唱衰行動」，不過就唔係親自走上街頭，而係改唱放上YouTube唱吓南下搶貨嘅強國人。網民Satsuma 同BK buddies，近日就將《年少無知》啲歌詞改咗，成首歌變做《蝗太無恥》，由Pedro Chan主唱，諷刺吓水貨客、自由行。歌詞好抵死㗎：「蝗要搵錢，全國瘋癲。跨境搶片搶奶有辦法，還信有錢俾叫有奉獻」，不過唱吓唱吓，都覺得特區政府做唔到嘢先係問題所在：「如果命運能選擇，但願香港那個是長官計劃我主宰。人辦就是吳克儉，日日聽官說廢話港媽細路全部都忍夠……」。