香港幾隻熱門牌子奶粉，被大陸自由行和水貨客狂掃，港媽買不到心儀的奶粉，已吵了好幾年，梁振英政府終於出招，上周五宣佈十招捍衞港B的飲奶權益。以沙膽虹之見，其實一招已經足夠，不用限制每人只能帶兩罐奶粉出境，更不用搞到梁自稱「幾辣」的十招咁多，而這招就是熱線電話給港媽訂購奶粉。
不是嗎？政府最急需解決的就是港媽買不到心儀的奶粉，只要有一個渠道確保港媽買得到奶粉，外面自由行水貨客搶奶粉帶幾多奶粉出境，都冇所謂。而事實上，根據統計處的數字，香港進口的奶粉數量，在過去三年上升了十倍，足夠港B飲用有餘，所以供應根本不是問題，問題只是落唔到港媽手和入唔到港B口而已。政府熱線訂購奶粉，兩天收到近四千個電話，只要政府持續實施這個熱線，令買不到奶粉的港媽有途徑可買，其他九招大可不用實施，減省政府人力物力。
至於有新打入本港奶粉市場的牌子投訴，認為政府此舉不公平，間接為七大奶粉品牌促銷，真係好多餘。新打入香港市場的奶粉，在零售點上容易買到，港媽根本不需要熱線電話訂購。只要新品牌做到水貨客自由行與港媽齊齊搶，市面難買到貨，就自然有人會將之加入熱線！
沙膽虹