近日身邊唔少朋友都問買乜股票好，早幾日連公司一位向來不熱衷投資嘅女同事也走來問：「強積金轉港股基金好？定恒指基金好？」
個市舊年6月由18000點邊緣起步，上周升至挨近24000點，傳統智慧得知，當平時唔投資嘅人也蠢蠢欲動時，個市即使未到頂亦難免一震。不過靚女當前，毛丘當然唔會當佢係燈講出口咁失禮，只建議她再等一等。
講到呢度總有人問：「咁隔離三個專家組合又買股票？」
大佬呀！買股票都要睇時機，人哋趁個市一路升一路儲貨，幾個月已有一成利潤在手，就算個市回半成，仲贏住嚟玩，你𠵱家先衝入市，要問問自己捱價能力有幾大囉！
魯毛丘