【喜歡低調】
很多人說，做生意必須對自己的產品有「愛」，由錶帶貿易生意到創立自家品牌鐘錶，董觀明的商界路途與錶緣份甚深，他甚至誇口稱，看一眼已可知錶款會否受歡迎。不過，這位「國產錶王」私下卻原來不愛戴錶，並形容自己對錶的感情只是「普通」。
自詡看錶眼光準
董觀明做錶，但自己對錶卻不講究，「李嘉誠都係戴精工錶咋！不過貴錶總有幾隻嘅，有時見客都要戴吓見人。」訪問當日，董觀明穿了一件恤衫跟西褲，起初公關職員建議他打上領帶，他笑說自己平時上班「着得好求其」，但最後還是笑着屈服。
不過他指出，自己有「特異功能」，下屬設計好一個錶款，他看過就能猜到是否受歡迎，「對錶我係一無所識，我唔識得砌隻錶出嚟，不過睇錶眼光就真係好準。」
富豪玩意董觀明不是沒有試過，今天已變得低調的他，過去也曾經做過馬主，「天皇福星」曾為他贏過三次頭馬，也試過擁有遊艇，不過都「只在乎曾經擁有」，「個個星期要搵人陪我睇比賽，朋友問我攞貼士，咁又唔係贏梗，贏咗開心啫，輸咗就無謂啦！」
記者翻查資料，董觀明雖然曾是新加坡上市公司主席，但他接受訪問的次數實在不多；他說自己不愛打扮，也喜歡低調，香港的鐘錶業協會曾經想找他擔任一些職位，他也全部推掉，「我年紀大嘞，想留多啲時間陪家人同朋友，每年去吓旅行咪仲好。」