超級碗今年有卡柏歷克呢位新星成為主要話題,另外兩名話題人物就係兩隊教練,烏鴉教練大佬約翰赫保同淘金者教練細佬占赫保。佢兩個成為咗NFL第一對兄弟喺超級碗對碰嘅教頭,令到今屆超級碗俾球迷改咗花名叫「赫保碗」、「兄弟碗」同「超級赫保」。上次兩兄弟碰頭已經係2011年11月24日感恩節,當時大哥以16:6贏咗細佬,唔知今屆又會點呢?