Amanda S.和周汶錡等前晚在演藝學院出席珠寶晚宴，葉德嫻則任表演嘉賓。Amanda穿上中門大開的長裙現身，她指丈夫不介意她性感，並說：「如果有男人望，老公會好自豪話畀人聽that's my wife，不過只限望30秒，望太耐佢會嬲，覺得唔尊重女人。」
周汶錡表示第一年結婚會派雙封利是，對於𡃁模霸王餐事件，她說：「模特兒工作唔需要應酬，冇可能單對單跟人去酒店房，就算去面試都有同事陪。」會否覺得𡃁模無知？她說：「都少少無知，自己唔會同唔識嘅人飲嘢。」
葉德嫻聲沙
前晚葉德嫻聲沙沙，她說：「近排感冒發作兼空氣差，加上以前食廿年煙嘅現眼報，但已經戒咗廿年，嗰時仲陀住BB食煙，衰到要拉去打靶。」她又讚王家衛《一代宗師》：「原本我唔係王家衛fans，𠵱家佢係我喜歡嘅香港導演，梁朝偉同章子怡演得好好。」採訪：梁錦雯
攝影：林德雄