曼城麻煩友巴洛迪利（圖）喺上周四轉投AC米蘭，翌日喺記者會仲話多謝曼城隊友、領隊同球迷，但係轉個頭又話好開心可以離開英格蘭，都唔知佢諗咩。佢話除咗踢波之外，英格蘭乜嘢都衰；傳媒、天氣同食物之外，就連英國人揸車方法佢都唔鍾意。有英國記者在場問佢問題，巴神即時起晒槓，唔肯直接回答。都走咗啦，做咩要咁記仇？