上位女藝人「肥嘟嘟」有樣有身材，出道以來緋聞不絕，佢外表好似乖乖女咁，但內裏認真open，可能因為佢喺外國讀書，所以性格都好鬼妹仔。
眼淚博同情
之前佢成日俾人寫成媾仔王，佢就發動眼淚攻勢博同情。不過講真佢媾仔真係叻得交關，只要𥄫中target，就唔理對方有冇女友定老婆，會發動sms攻勢主動出擊，好似會扮慘話自己就嚟冇屋企住嘞，又或者話煮咗嘢食，叫心儀對象上嚟屋企食，有嘢食送到埋口，你話有幾多個男人能抵得住誘惑呀?由於肥嘟嘟搶咗唔少人，終於有個俾佢搶咗男友嘅小星就爆響口唱佢啲臭事，不過肥嘟嘟一於懶理囉。
撰文：關仁