譚詠麟（阿倫）、葉玉卿和鄭欣宜等，昨日到大帽山一間茶樓宣傳賀歲電影《2013我愛HK恭囍發財》，卿卿昨日戴上閃爆鑽石耳環及巨型戒指，她說：「上次返嚟拍嘢，冇理由戴咁多呢啲朱義盛，我老公仲叫我唔好返，片酬未收就不如唔好要，我就同佢講話係責任問題，除非我死咗，唔係就算病住都要返。」卿卿坦言帶着一堆珠寶返港極大壓力，因曾先後三次於歐美機場遇上扒手，但她拒提所戴珠寶價值。她與欣宜首次見面，大讚靚女及比肥姐更sweet。
阿倫：冇人問登床價
阿倫對有𡃁模爭認被問價，他說：「任何時候講都唔係好啦，仲爭住認咁威水呀？冇人問過我登床價，登台價就日日有人問。」提到成龍與周星馳獲委任為政協，他說：「每人追求嘅嘢唔一樣，我太多嘢要照顧。」被問到可會效法林子祥父子同台表演？他笑說：「唔會喇，佢興趣唔喺度，唔係食呢行飯嘅料，卡拉OK成日都父子同咪啦。」
採訪、攝影：藍文浩