曾經效力湖人嘅前NBA球星雲艾素，佢個仔麥士維雲艾素因為謀殺案搞到一身蟻。22歲嘅麥士維被控開槍射殺佢嘅女朋友，周四喺達拉斯提堂，陪審團經過兩個半鐘商議之後，裁定佢謀殺罪名成立，稍後會宣判裁決。麥士維係喺2010年12月用霰彈槍射死佢女友伊奧，之後仲棄埋屍。佢被捕後辯稱當時只係一齊玩枝槍，唔知已經裝咗子彈。