【養蠔戶心聲】
對於深圳方面會否禁止后海灣本港水域養殖品運往當地銷售，流浮山養蠔戶表示不太擔心。記者走訪當地海味街，幾乎所有攤檔都以馳名「金蠔」作招徠，當中大部份出售海味乾貨，僅三檔主力出售本地生蠔。
自言「食蠔大」的陳太，家族幾代都是做養蠔生意，她直言不擔心，「深圳點做我唔會理佢！你睇我啲蠔幾靚，生食都唔怕，絕對健康！」她說政府部門定期派員到流浮山，抽取海水和生蠔化驗，「食環化驗過啲水同啲蠔都冇問題，有問題都唔俾我哋賣啦！」臨近過年，陳太笑說生意還不錯，「我哋啲客多數係本地人，你睇我做到做唔切呀！」
同樣為養蠔戶的福伯說：「我哋有牌㗎，食環署有發牌。我哋真金不怕洪爐火，怕咩呀！」他經營養蠔生意多年，全部生蠔每日即採即開，非常新鮮。
《蘋果》記者