蕭若元前晚到灣仔出席「香港免費電視對本地與華人創作及流行文化的影響」座談會的嘉賓，他覺得娛樂圈缺乏人才，以前香港電影與荷李活及印度三地鼎足而立，但現在十大電影一定不會有港產片，他覺得現在大學生畢業後不會到無綫工作，並說：「最後一個巨星已去到周星馳，女仔喺電影及電視已死晒，女演員呢三、四年喺內地已冇立足之地，禍害原因係TVB，以前邵氏訓練好多人才，以前新晉導演係21歲，𠵱家彭浩翔40幾歲都話新晉導演，可想而知幾缺乏人才。」
之後蕭若元又繼續轟無綫的劇集沒新意，來來去去都是同樣橋段，亦覺得電視圈是霸權，又說：「唔明一間賺錢，一間蝕錢，但蝕錢嗰間冇想過發憤，亞視只係播舊劇，點解唔被其他人佔用，點解TVB唔交專利費用，霸佔公共資產，唔發牌係同政治有關，得TVB同政府扯貓尾。」
採訪、攝影：李珮洳