【問題極嚴重】
珠三角一帶的工業發展，污染后海灣海域，尤其重金屬含量更嚴重超標，但本報委託化驗所化驗后海灣香港海域，即流浮山養蠔場一帶的水質，卻未驗出任何重金屬成份。浸會大學生物系教授黃港住解釋，重金屬多沉澱在海床，若海水也驗出重金屬超標，即問題已極嚴重。
「污染物多數集中喺排出口，香港海域離珠三角較遠，污染物吹散咗，所以受污染情況冇咁嚴重，但日積月累繼續排污，情況可能會惡化。」他指生蠔養在水中，靠吃水中微生物，故蠔本身的重金屬來自微生物。
黃港住表示，食物含重金屬已經不太好，但若含量不太過份，淺嘗也未嘗不可。「喺食物攝取少量重金屬唔會對身體構成影響，但長期食用含重金屬食物，梗係唔好，尤其重金屬會積聚喺人體內，所以都係少食為妙。」
《蘋果》記者