葉問之所以被譽為宗師，當然是因為他成功將詠春發揚光大。葉準師傅透露父親更改良了練拳用的木樁，他表示當年在佛山，木樁的底柱是植入地下，他說：「以前佛山嘅老家面積好大，個樁底好似打樁咁種咗落地，好穩陣。」不過當葉問移居香港教拳時，問題便出現，葉準說：「香港邊有地方畀你種個樁，咪隊穿樓下天花，後來父親同個木工師傅諗到，將個樁鑲喺牆身。」之後這方法便流傳開去。
嘆棍法難傳承
另外，詠春除拳法外，出名的還有一套六點半棍及八斬刀，不過由於地方所限，懂棍法的人越來越少，葉準說：「正宗嘅六點半棍棍長九呎六吋，就算改良咗嘅都七呎二吋，香港邊有咁大地方畀你耍呀。我記得以前葉問年代啲師兄弟要練，要揸車去馬騮山，條棍仲長過架車，放喺車上面仲要掛紅布，所以越嚟越少人學，練咗都冇人同你對練，都係冇用。」