今屆NBA明星賽會搞搞新意思，兩隊都會有一位隊長，熱火的獲迪同快艇的基斯保羅將會分別帶領東、西岸隊。做隊長有乜用？今屆明星賽兩隊會競逐一筆50萬美元（約388萬港元）慈善獎金，勝方會拎到35萬，輸咗都有15萬，而兩位隊長喺明星賽之後，會同NBA同埋贊助商攜手去決定將獎金用喺邊一個慈善用途。