大話英最忠實女粉絲蔣元秋前日辯論施政報告時，一邊大讚狼英份施政報告點好點好，同時狂數前特首煲呔過去講過「金融地產養七百萬人」係錯，令政府只養肥極少數有錢人。地產及建造界議員石禮謙前日聽到後，即時走出立法會走廊同傳媒炮轟元秋「噏得出就噏」。事隔一日，石禮謙怒氣未消，噚日立法會發言時再狂插元秋，指有建制派政黨過去不斷支持煲呔曾施政，現時為討好大話英，就求其搵啲嘢老屈煲呔，好唔公道，不點名斥元秋「真係講緊廢話」，果然係「曾」朋友，試問又幾多人會喺老友落難時，仲敢公然雪中送炭？唔怕得罪偽君子咩！