廠商會嘅工展小姐，年年都吸引唔少參展商搵美女員工出戰；原來廠商會打算喺嚟緊4月，喺內地廈門搞嘅工展會「複製」工展小姐選舉，但原來廈門嘅工展小姐會開放參選權，參選人唔一定要係參展商職員，平民女姓都可以參選。
如果係咁，咪即係所有女性都可以參選，連從事內地相當蓬勃有顏色行業嘅女性，都可能入閘，怕唔怕影響工展小姐嘅形象㗎？廠商會副會長吳永嘉話冇辦法，因為即使評判問佢嘅職業背景，對方都可以隱瞞，所以唔驚得咁多。至於內地工展會會唔會賣奶粉？吳永嘉同會長施榮懷都話喎，奶粉商家家陣都唔休做啦，仲使乜去工展會擺檔呢？