華置主席劉鑾雄（大劉）紅顏知己呂麗君首匹名下馬「替天行道」聽日喺香港登場，呢隻馬個名夠霸氣，馬主又出名，未跑已係風頭躉。
大劉家族對上一次養馬，要數到98年劉鑾鴻（細劉）匹「炮彈人」，隻馬好似炮彈咁勁一出即勝，之不過之後就冇再贏過，跑咗十場退役。相隔15年，呂麗君晉身馬主行列，豪擲七位數字從愛爾蘭引入原名Zumbi嘅「替天行道」。
八方聽聞「替天行道」唔係呂麗君入紙申請嘅第一個馬名，之前幾個中文馬名都唔獲馬會批准，估唔到「替天行道」竟然獲批。「替天行道」喺英國跑過六場，唔單止一出就贏，之後仲喺三級賽上名，來港之後交畀大摩訓練，同樣係以下個月嘅打吡為目標。