【雙重享受】
今年情人節正是農曆新年大年初五，影響花店生意，但對朱古力店卻是好消息，「因為兩個節日都興送朱古力」，料銷量會增加一、兩成。有朱古力店趁機推出應節口味，包括混入爆炸糖的「重口味」朱古力，「食入口好似爆竹咁啪啪響」。
店員料銷情佳
朱古力店Kapok從遠自法國、瑞士，近至本港引入不同的朱古力，農曆年則推本地品牌Chocoyou的一口爆竹、金箔朱古力等，「佢嘅特色係鍾意喺朱古力度混入特別嘅成份」。店員Hugo說，一口爆竹便是在朱古力加添了爆炸糖，入口有兩種享受。
他說，農曆年銷情會較佳，而情人節接近更有利，因男生情人節一般多送花，朱古力其次，「但新年要去女仔屋企，就要帶埋朱古力送禮嘞」。首次在法國以外地區開店的Chapon負責人William也稱，鐵塔、幻彩小Bear等情人節朱古力，未到情人節已熱賣，部份更斷市，「因為啲客買嚟拜年送禮，雖然唔係送俾情人，但見造型咁靚都照買」。
《蘋果》記者