職場上，坐「白金直升機」扶搖直上的故事屢見不鮮，但總有平日返工等放工嘅花生友，突然酸葡萄作祟，話人地冧老細博出位云云。昨日《打工仔炒股》報道引來熱烈討論，就如職場般，有不少花生友話人投機，不勞而獲，仲話冧市時睇你點死！造就永恒的八二比例，就是八成唔落場玩的觀眾，睇住兩成人發達。
每個股民都有一個夢，就係希望做那兩成甚至1%的「少數」，Samantha朝早6點起床有障礙，只求多做點功課，希望終有一日能達到目標，好似10月頭推介，做自由行生意的寶光實業（084），若能坐到𠵱家，都賺65%落袋。
金沙中國（1928）第四季純利36.4億元，按年增52.3%，表現靚仔。習總話要反腐倡廉，賭業未算穩陣。可以賭少啲，但飯始終要食，佳景集團（703）在金沙等多個賭場開設不同的餐廳和美食廣場，去年上半年賭業放緩下，中期純利仍增89%，上次推介至今升逾六成，論錢景，應不會就此止步。
Samantha
本欄逢周一、三、五刊出