中共越嚟越鍾意搵明星做「政治花瓶」，繼之前搵星爺、湯鎮業做廣東省政協後，最新消息係搵成龍做全國政協！成龍呢幾年成日發牙痕論政，一時又話中國人要管、一時又話要限制香港人遊行，除咗畀香港人、網民鬧爆之外，連「小龍女」阿媽吳綺莉都話佢讀得書少亂噏嘢，但中共就最鍾意搵呢類人做「政治花瓶」，貪佢唔係好識嘢、但又鍾意威威，搵佢做政協嘅話，阿爺叫佢坐、一定唔敢企；叫佢行、一定唔敢跑，真係聽教聽話、好使好用！
八方聽聞，政協名單入面，成龍原來唔係用佢個真名陳港生獲任，而係用藝名成龍，怕且係有關人士驚份名單交畀領導人過目，唔識陳港生係乜水，萬一大筆一揮剔走佢個名就唔好。雖然有傳汪明荃出局，但有人話汪阿姐仲在名單上，仲有少少地位喎。