習近平上位後頻頻高喊「反貪腐」，近日仲由官場呼籲到去餐桌，話見到大家食飯時嗰種浪費法，感覺「觸目驚心」，要公務員大力宣傳節儉，堅決杜絕「大花筒」咁話。到底內地貪官所謂的「餐桌上浪費」有幾誇張？海迪舉市場上一個例子，讓大家了解一下。
唔好以為奢侈風氣只發生喺一線城市。海迪有位分析員朋友，曾跟一間上市公司去參觀位於東北地區（四、五線城市）的總部。由於間公司經營的業務同農業相關，每年都喺政府手上拎唔少津貼，所以公司同當地官員friend過打band。參觀完某個新項目的開幕儀式後，公司就拉大隊去市政府大廈入面食飯，整個大堂內擺滿約30位酒席，每枱擺滿了逾20個菜，多到叠高了三層，然後有一盤用洗面盤裝滿的白飯。分析員朋友說，他們一枱12人，最後只食了飯菜的20%左右，而當日更只開了六圍，餘下24圍飯菜，是原封不動，等被清倒。
在離開那個城市的途中，朋友在車外沿途見到的，是農戶拉着稻草木頭車，回去那似乎是用泥磚建成的家。海迪覺得，這些官員們的招待不叫「氣派」，而是叫「折墮」。
海迪