內地水貨客大批買走香港奶粉返國內圖利，狼英政府卻無計可施，港人灰爆下惟有投靠「外部勢力」，有港人決定向美國總統奧巴馬叫救命，喺美國政府嘅petitions.whitehouse.gov官方網站請願，希望奧巴馬幫手。
未夠一日逾二千聯署
呢個請願題為「香港嬰兒爆發飢餓 要求國際援助」，內容話因為內地水貨客湧港大批買走香港奶粉，然後返國內圖利，令港爸、港媽買唔到奶粉餵B，但港府卻懶理喎，惟有希望國際社會關注。根據網頁規定，要有10萬人聯署，奧巴馬先至理㗎，但噚日未夠一日已儲夠逾2,000個聯署。
唔少港人亦諗緊點樣自救，公民黨毛孟靜同新民主同盟范國威兩位立法會議員決定成立「香港本土」聯盟，透過連串行動捍衞港人權益、文化同價值。