【本報訊】內地人來港搶購奶粉惹怒本地家長。有港媽致電電台向食物及衞生局局長高永文申訴，由長沙灣走到觀塘、將軍澳、西貢，甚至東涌，都未能撲得一罐奶粉，形容買奶粉過程「好似乞米咁乞」。水貨客令本港家長陷入奶粉荒，但旺角卻有一家藥房實行「港人港奶」，拒賣奶粉予水貨客。
港媽訴苦：好似乞米
不少家長昨趁着高永文上電台，致電申訴撲奶粉苦況。港媽楊太指，近日先後驅車到長沙灣、觀塘、坑口及東涌，都未能撲到奶粉，其丈夫於上環亦遍尋不果，終要靠朋友「搭上搭」才找到在藥房工作的職員，僅買到兩罐奶粉，「要好似乞米咁乞，買一罐奶粉啫，都搞到咁嘅地步！」
家住長沙灣的家長阿瑤近日都無法為11個月大的寶寶買到奶粉，「難買到不得了，想直接行入舖頭買嚟應急都買唔到，但轉頭就見有人一箱箱咁車走。」她又曾於海防道一家藥房發現，一罐美素佳兒1號奶粉賣到300多元，遠高於建議零售價。
奶粉長期缺貨，有水貨客不惜抬價搶奶粉，但旺角泰萊藥房負責人梅智聰拒賣奶粉予水貨客，希望服務真正有需要的父母，「好易分到啫，BB食開咩牌子奶粉，好少會轉。有啲人一走入嚟就問齊1至4號奶粉，或者呢隻牌子冇即刻問第二隻，一定唔係自用，我就唔會賣畀佢」。但售價方面，梅的藥房每罐美素佳兒2號及3號奶粉分別售283元及281元，較供應商的建議零售價高15%及30%，1號奶粉較建議價貴3元，4號奶粉則低於建議價。
梅認為，港媽買不到奶粉源於供應不足，即使奶粉出境限制成事，對奶粉短缺問題幫助不大，「每星期得一箱，即係12罐，就算唔賣畀水貨客都唔夠」。他建議港媽嘗試改用不太熱門的奶粉品牌，「美素佳兒、A+呢啲比較難買，但仲有其他牌子供應冇咁緊張，奶源都係澳洲、荷蘭，質素唔差」。
記者昨到旺角行人專用區附近藥房，熱門貨美素佳兒1號奶粉全告售罄，部份藥房更連陳列架上的空奶粉罐都收起。店員稱未知何時能補貨，要視乎奶粉商安排。連鎖店如卓悅、莎莎，則未有出售該品牌產品。離旺區較遠的泰萊藥房前日剛補貨，至昨午仍有少量存貨。