自從立法會有個政界元秋同Tree根之後，鼠王芬明顯相形見絀，但佢出招，就非同凡響。噚日晨早流流，立法會都未開波，鼠王芬就同埋其他經民聯成員換上藍色Tee，心口大大個QR code（二維碼）任人嘟，原來係「犧牲色相」推銷佢哋啱啱開張嘅網站。
八方拎起部電話，嘟完林健鋒、再嘟盧偉國同劉皇發，發現林健鋒個網頁專門介紹着西裝心得、盧偉國就講解簡單驗樓方法、發叔則推介新界好去處，都幾過癮㗎！但係一到鼠王芬，八方即係縮番埋隻手、耷低個頭，生怕若然亂嘟，會惹來性騷擾之嫌，所以只click去佢哋網址贒贒，可惜鼠王芬個網頁只係介紹海濱公園，冇教人點捉老鼠。