華華個銀行戶口得1,700蚊一啲都唔出奇，估唔到一個政府嘅銀行戶口都可以得番1,700蚊，呢個政府就係非洲津巴布韋。外電引述津巴布韋財長所講，上星期向公務員出糧後，銀行戶口得番217美元（約1,693港銀），將要尋求國際社會財政援助。雖然政府咁窮，但津巴布韋89歲總統穆加貝日子應該過得唔錯，佢位千金2011年底喺香港城大畢業，總統當年同第一夫人格雷絲，加埋廿名保鑣浩浩蕩蕩咁在港參加寶貝女嘅畢業禮。格雷絲又有「第一購物狂」稱號，09年來港喺尖沙嘴濕平時，就因為涉嫌襲擊一位外國記者而上晒報紙。
