全國政協委員劉夢熊大爆特首梁振英選舉黑材料後，泛民立即窮追猛打，不過季陶聽聞，泛民內部有意見認為，不應對梁振英打得太盡，若「留佢一命」，可能對推動香港民主、爭取普選利大於弊。
施政能力已露底
有泛民中人分析，那些不滿梁「講大話」、沒有誠信、為中共赤化香港的市民，基本上已是堅定倒梁派，他們就是民調中那近五成不滿梁振英施政的民意；至於那三成死硬挺梁，與那兩成左右沒有意見的市民，就算再揭多千百樣梁振英的誠信醜聞、選舉黑材料，亦未必可以改變他們對梁的看法：「班基層只關心梁振英有冇派糖政策，仲有一班所謂理性中產，泛民講乜佢哋都唔聽，只覺得係嘈嘈閉搞亂香港。」
施政報告中梁針對遏抑樓價無力、扶貧又「冇料到」，連近日打擊水貨客搶奶粉也是後知後覺，一名前朝高官向泛民分析，指梁振英有自己施政想法，又信不過公務員，最後證明自己辦法行不通，又要公務員出手「補鑊」，「結果搞到施政混亂又一事無成，用梁嘅說法係，佢係好努力、好勤力去解決問題，但最後都解決唔到」。該泛民人士認為，梁施政能力已「露底」，若給他再做上兩、三年特首，「到時嗰三成撐佢（梁振英）、兩成冇意見嘅市民，見到佢做唔到嘢，就會忍無可忍變成倒佢！」屆時泛民要爭取2017年真普選特首，有可能更易動員大部份市民支持。
季陶