鄭小班「鄭家富」一做節目就好易辣㷫嘉賓。繼上次喺節目上激到民主黨卿姐拎手袋走人後，前日又喺D100節目《十級自由Phone》激到《香港城邦論》教主陳雲嬲到唔同佢傾偈，cut線講byebye。
節目係討論港媽搶唔到奶粉問題，陳雲提出將奶粉列做儲備商品，講講吓，阿富將話題轉到反水貨客人士最近去到旺角、量度內地人行李等行動上，話覺得佢哋咁做好唔文明。陳雲唔認同呢點，覺得同阿富討論落去冇意思，於是直接話唔想同佢傾，大家就咁嬲住講byebye。
對於阿富覺得咁係用私刑，陳雲就係fb話，阿富講嘅港媽奶粉配給制度一旦推行，「香港人就沒有任何理由拒絕自由行走私客來哄搶奶粉」。